Terug
Dunder
t is n zwoele oavend
n waarme daag, bienoa veurbie
n klam gevoul
n zuchtje wiend, deur de tied
elke beweging is er ain
noeit te veul
n lichtflits, wat gerommel
n dreuge keel
n blode rug
n streling, prachteg rond
ien t felle licht, taikent zich oaf
de dunder komt
n drubbel vaalt
n nadde mond, stil verlangen
n daipe zucht, n siddering
zuikende haanden
de dunder komt…
t woater vaalt, en spoult
alles weg
joa de passie, gain woorden meer…
n blode rug
n streling, prachteg rond
ien t felle licht, taikent zich oaf
de dunder komt
de dunder komt… |
© Martin Korthuis
|
|