Terug

Krougproat

denk om dien smerege vouten
duch dien schounen toch oet
most es kieken wat n bragel
dat flikst toch nait ien hoes
ik heb hier boudel net aanveegd
draai die om en goa noar boeten
hou vaak mok nog tegen die zeggen
duch die schounen toch oet

hes toe dat nou ook
dat gezoes aan dien kop
of heb ik dat allain
nee, ik zuch t , hol moar op
joa wie drinken der nog moar ain
en stillen zo ons verdrait
wat hemmen wie toch een meedlieden
met ons zulf; met ons baiden

hou laanger ik bie heur blief
hou minder ik van heur hol
en is t goud din is t nait goud
joa altied dat gezoes

guster kwam ik thoes
oké wat loater din normoal
ik brak biena mien nek
over heur rötzooi; een ploag
din krieg ik weer op mien donder
t hoes is weer te klain
ik sloap din moar weer op de baank
zai wil mie nait meer zain

© Martin Korthuis