Terug

Ik kom aaltied weer toes

ik kom aaltied weer toes
ook aal is er muite onderweg
sums wel vaaier weken van hoes
moar ik kom aaltied weer toes

ik pak mien köffer weer es ien
de ienhold bringt mie n week laang
de deur klapt dicht / de klok zegt tien
ik kom terug / dus wees nait baang

ik draai de sleudel / heb contact
t asfaalt gliedt onder mie / veurbie
de zun weerkoatst heur golden laach
van A noar B en zunder die

ik kom aaltied weer toes
ook aal is er muite onderweg
sums wel vaaier weken van hoes
moar ik kom aaltied weer toes

nije stemmen / accoestiek
t klinkt weer aanders as guster doar
even contact mit t publiek
körte pauze / nog n moal

t geluud verstomt / dit was t weer
de stilte kriegt hier de overhaand
de deur klapt dicht / en ik keer
de naacht ien en de wizzers aan

ik kom aaltied weer toes
ook aal is er muite onderweg
sums wel vaaier weken van hoes
moar ik kom aaltied weer toes

© Martin Korthuis