Terug

Madelief

ik wait nog goud de eerste daag
dat ik tie zag
en ik was prompt van slag
ik wait nog goud de eerste daag
dastoe mie aankeeks
wat was ik van streek
doe bloosde zaacht
dien ogen op mie
veur aaltied ien mien haart
ik bloosde haard,
ging hai tekeer
en ik docht woarom, woarom, woarom…

ooh Madelief

ik wait nog goud de eerste daag
dat ik tie zag
en ik was prompt verlaifd
dien koeltjes ien dien waangen
wil ik nait kwiet
ik streel dien haanden en ooh wat was ik blied
doe bloosde zaacht
dien ogen op mie
veur aaltied ien mien haart
ik bloosde haard
ging hai tekeer
joa ik wait dat dee zeer…

ooh Madelief

ik vroug dien noam
moar doe seest niks want
schiedereg keeks mie moar wat veurbie
wie bloosden zaacht
wie dochten haart
wat gais toe toch tekeer
wie hoelden zaacht
wie wizzen dat
t oafschaid keer op keer…

ooh Madelief

© Martin Korthuis