Terug

Muze

doe bringst mie aaltied oet mien evenwicht
ik vaal op die / veuraal dien lief
ik loat die vaalen / ien n ogenblik
bist oet beeld / is alles telt

ik kroep veur die / as t neudeg is
goa op mien knaaien / biet ien t stof
bevredeg die / woar stoe groag wilst
doe bist mien beeld / doe bist mien held

doe bist mien alles
doe bist mien niks
doe bist mien muze
doe bist mien licht / sums…

ik hoel mit die as t neudeg is
ik laach mit die / voak ien een deuk
ik hoat die zoalstoe mie kinst hoaten
en din de doad / din de peuk

doe bist mien alles
doe bist mien niks
doe bist mien muze
doe bist mien licht / sums…

ik hoop mit die as t neudeg is
ik denk mit die n hail ind weg
ik loop mit die sums dezulfde tred
het toneel oaf / richting fles

doe bist mien alles
doe bist mien niks
doe bist mien muze
doe bist mien licht / sums…

© Martin Korthuis