Terug

Oafschaid

waist nog wel / dij eerste daag
dien ogen weerspaigeld
ien mien laach / gelukkeg
waist nog wel / dij eerste daag
de geur van laifde / bloumen en gras / gelukkeg

waist nog wel / dij eerste daag
dij boom / heur takken
heur gruine praacht / gelukkeg
en waist nog wel / dij eerste kus
veul te dreug en veul te vlug / gelukkeg

ik wait nog goud / de twijde daag
de dag dastoe noast mie laagst / gelukkeg
de dag dastoe mie zeest
“ kom bie mie liggen / alles mág “
der gebeurde niks te vroug
der kwam niks te loat dij daag

ik wil die zo groag bie mie hólden
laiverd / ik hól van die
ik wil die zo groag om mie hín
laiverd / blief bie mie
blief bie mie / ooh blief bie mie

wie waiten / t is onze leste daag
dien ogen weerspaigeld / pienlek zaacht
gliedst langzoam weg / oet mien haand
dien waarmte hol ik mien leven laang / gelukkeg
joa / t oafschaid vaalt mie zwoar
t is zo aas t is
is wat ik hoat

ik wil die zo groag bie mie hólden
laiverd / ik hól van die
ik wil die zo groag om mie hín
laiverd / blief bie mie
ik wil die zo groag bie mie hólden
laiverd / ik hól van die
ik wil die zo groag om mie hín
laiverd / blief bie mie

blief bie mie / ooh blief bie mie

© Martin Korthuis