Terug
't Is over
zai kruust vandoag t zulfde punt
as guster en doarveur
zai leegt heur moag nog net op tied
t vocht verspraaidt heur geur
zai holt zug stoande / zuikt de greep
heur leven verlaist heur fleur
zakt onderoet en heurt nog net
t roezen ien mineur
zai proat ( ien ) heurzulf
aan ain stuk deur
t zulfde oetzicht weer
n schroale wiend verwaait de pien
en opent heur de sleur
tis over / tis over / tis over
zai hebben elkoar / joa / zoveul geven
zai hebben elkoar ontnommen
en waren soamen nait ien stoat
om dit te veurkommen
t wit vandoag wört langzoam gries
de kleur van laifde / swaart
der vaalen veul te waineg troanen
n veul te grode haart
tis over / tis over / tis over
tis over / tis over / tis over
zai draait zug om / heur ogen / vocht
en fluustert din heur noam
heur lippen bewegen / n mooi cadans
moeilek te verstoan
zai bringt heur haand wat verder weg
beweegt heur vingers / waarm
en zuikt wanhopeg noar t gevoul
zoas t aaltied was
tis over / tis over / tis over
tis over / tis over / tis over
der gait gain daag aan heur veurbie
t zulfde oetzicht zunder die
tis over
der gait gain daag aan heur veurbie
t zulfde oetzicht zunder die
tis over
tis over / tis over / tis over
tis over / tis over / tis over
over / over / over |