Terug
Tied
der is n tied veur miezulf
en n tied veur elkenain
der is n tied veur de laifde
der is n tied veur n laach
der is n tied veur n troan
der is n tied veur de hoat
der is n tied om te trouwen
en n tied dak die verloat
der is n tied veur de kiender
der is n tied veur mie allain
der is n tied om te schoelen
en n tied om die te zain
meschain n tied om te rouwen
meschain n tied veur die en mie
meschain n tied veur mie allain
meschain n tied veur meschain / meschain
der is n tied om te goan
der is n tied veur toes
der is n tied veur de femilie
elkoar nait meer te zain
der is n tied veur t geleuf
der is n tied veur n psaalm
der is n tied veur n gebed
god / allah / ongeleuf
der is n tied veur die wicht
der is n tied veur die en mie
der is n tied veur die wicht
veur die wicht / veur die wicht
en mie
der is n tied veur n naie daag
der is n tied veur aal dat licht
der is n tied veur t donker
een tied veur evenwicht
der is n tied veur de dood
der is n tied om te leven
der is n tied veur bliedschap
of wanhoop / sums te groot
der is n tied veur t grode
der is n tied veur t pinsail
der is n tied om te streven
noar alles / nait te veul
der is n tied veur die wicht
der is n tied veur die en mie
der is n tied veur die wicht
veur die wicht / veur die wicht
en mie |
© Martin Korthuis
|
|