Terug

Parredies

doe gaist op weg, met n daipe zucht
t is veurbie, bist opgelucht
en ik ook
ik hoop veur die n laange weg
n smale tred, n mooie poort
en golden bestek

waant dat is wastoe wilst
ien dat aander laand, n leven laang
haand ien haand, met hom

met veul gezaang en veul gelaag, met die
zing met hom, ooh zing met hom en mie

smörgens worst wakker, en zugst om die hin
allain mor bloumen, zover dast kieken kinst
n parredies
n zee van goud, n rivier van blaauw
alles om die hin, kinst praiven en voulen
doe voulstie thoes

met veul gezaang en veul gelaag, met die
zing met hom, ooh zing met hom en mie

© Martin Korthuis